M5znUpload

الاثنين، 11 فبراير 2013

طول ما الدولة بدون ثوار/ باسم الديراوي



طول ما الدولة بدون ثوار
يبقى انت هتحكم يا حمار
وهنعيش ننشدلك اغاني ونكتب لسعادتك اشعار
طول ما الدولة بدون ثوار
هنعيش نحلم باستقرار
بلدنا خرابة ونقول عمار
اصنا خايفين من الاستعمار
اللي انت فرضته بوجودك
نبوس الايادي وتغلى الاسعار
نهتف ونادي وعايشين في النار
وتضيعي يا بلادي ويلحقنا العار
اللي صايبنا من يوم ما حكومونا جدودك
طول ما الدولة بدون ثوار
تنفرد سعادتك بالقرار
اصل الوزرا مش فاضيين
يا حبة عيني مشغولين
في المشاريع والاستثمار
طول ما الدولة بدون ثوار
من يقدر يطالب بالحرية
من يقدر يقول لا بعلنية
من يوقف ضد البلطجية
او عفوا يوقف ضد جنودك
طول ما الدولة بدون ثوار
هنعيش صابرين لحد ما نوصل القبور
وهيقوفوا اولادنا كما اجدادنا مليون طابور
واللي مش خايف و حالف انه بلاده يدخلها النور
هيموت شهيد كما كل الاحرار
طول ما الدولة بدون ثوار
(بقلم باسم حسين الديراوي)

Sharing Widget bychamelcool

0 التعليقات:

إرسال تعليق